அடுத்த கதையில் இடம்பெறவிருக்கும் கவிதை...

சரம் சரமாய் வார்த்தைகள் கோர்த்து

மரபுக்கவிதை புதுக்கவிதை ஹைக்கூ என்று

தரம்பிரித்து வகைப்படுத்தி

நாளொரு முத்தமும்

பொழுதொரு பரிசும் வழங்கி

புதிது புதிதாய் யோசித்து

நவீனமாய் அசத்துவது

காதலாக இருக்கலாம்...

ஒரு வார்த்தையும் உச்சரிக்காமல்

ஒற்றைப் பார்வைக்கும் வழியில்லாமல்

தொலைத்தொடர்புகளும் செயலிழந்திருக்க

இருமனங்களின் உரையாடல் மட்டும்

இரவிரவாய்த் தொடர்ந்திருக்க...

சில உன்னத உறவுகளுக்கு

அகராதியில் இடமில்லை... விளக்கமுமில்லை

என்ற நிதர்சனம்

இருமனங்களும் அறியும்!